Reece James ត្រលប់មកវិញហើយ! Chelsea បាន​បញ្ជាក់​ថា​ទីបំផុត​ប្រធាន​ក្រុម​របស់​ពួក​គេ​អាច​ត្រឡប់​ទៅ​ហ្វឹកហាត់​ក្រុម​ដំបូង​វិញ​ហើយ។

កីឡាករសញ្ជាតិអង់គ្លេសរូបនេះមិនបានលេងការប្រកួតណាមួយក្នុងឆ្នាំ 2024 សម្រាប់ក្រុមតោខៀវ ចំពេលគាត់ជាសះស្បើយពីការវះកាត់សរសៃពួរក្នុងខែធ្នូ ឆ្នាំ 2023។

ប៉ុន្តែខ្សែការពារស្តាំពេលនេះកំពុងធ្វើការជាមួយមិត្តរួមក្រុមដំបូងរបស់គាត់ ហើយព្យាយាមស្តារឡើងវិញនូវកាយសម្បទាពេញលេញសម្រាប់ការប្រកួតចុងក្រោយនៃរដូវកាល 2023/24 ។

ពេលនេះ James មានឱកាសបង្ហាញទម្រង់លេងចុងក្រោយ និងជួយ Chelsea បញ្ចប់យុទ្ធនាការដោយកំណត់ចំណាំខ្ពស់។

Mauricio Pochettino បានបង្ហើបថាគាត់ប្រហែលជានៅក្នុងក្រុមសម្រាប់ការប្រកួតជាមយយ Nottingham Forest ដោយនិយាយថា យើងត្រូវមើលថ្ងៃនេះប៉ុន្តែប្រហែលជាគាត់អាចមានវត្តមាននៅក្នុងក្រុមបាទ ។

ក្រុមតោខៀវបានបញ្ជាក់ផងដែរថា ខ្សែបម្រើ Lesley Ugochukwu ក៏បានជាសះស្បើយពីរបួស និងបានត្រលប់មកហ្វឹកហាត់ជាក្រុមវិញផងដែរ។