Ilkay Gundogan ខ្សែបម្រើឆ្នើមរបស់មេឃខៀវ Manchester City បានបង្ហើបថាមានខ្សែការពារកណ្តាលម្នាក់ដែលខ្លួនពិបាកតតាំងបំផុត ។

តាមពិតគេចង់សំដៅលើ ខ្សែការពារកណ្ដាលកូឡុំប៊ី  Yerry Mina បើទោះបីជាមិនសូវបានលេងលើទីលានក៏ដោយ ប៉ុន្ដែកីឡាកររូបនេះ ជាខ្សែការពារម្នាក់ដែលគួរឱ្យខ្លាចនៅ Premier League ។

Gundogan បញ្ជាក់ថា៖ "  Mina ប្រើដៃរបស់គេដើម្បីប្រជែង ដោយខ្វាច ឬក្ដិចខ្នងរបស់អ្នក ពេលអាជ្ញាកណ្ដាលមិនបានមើល ។ ខ្ញុំបានឃើញគេធ្វើបែបនេះម្ដងឬពីរដងហើយ "។ សូមបញ្ជាក់ថា ខ្សែបម្រើអាល្លឺម៉ង់រូបនេះ ធ្លាប់ជួបតទល់ជាមួយ Mina ៤លើកក្នុងអាជីពរបស់ខ្លួន ហើយគេបានប្រាប់ទៅមិត្តរួមក្រុមរបស់ខ្លួនឱ្យមានការប្រយ័ត្ន ពេលលេងតទល់នឹងកីឡាកររបស់ក្លិប Everton រូបនេះ ៕

ប្រភព : Metro