Arsenal មិនទាន់ចុះហត្ថលេខាលើខ្សែប្រយុទ្ធថ្មីណាមួយនៅក្នុងទីផ្សារដោះដូរកីឡាកររដូវក្តៅនេះទេ ទោះបីជាត្រូវការជម្រៅបន្ថែមទៀតនៅក្នុងតំបន់ប្រយុទ្ធក៏ដោយ។

ឥឡូវនេះ បើតាម La Stampa ក្រុមកាំភ្លើងធំបានចូលរួមជាមួយក្រុម Tottenham Hotspur និង Chelsea ក្នុងការប្រជែងដើម្បីចុះហត្ថលេខាលើខ្សែបម្រើស្លាបរបស់ Juventus Federico Chiesa ។

ពេលនេះក្រុមរបស់លោក Mikel Arteta កំពុងពិភាក្សាជាមួយភ្នាក់ងាររបស់ខ្សែបម្រើស្លាបអ៊ីតាលី ហើយកំពុងព្យាយាមស្វែងរកមធ្យោបាយដ៏ល្អបំផុតដើម្បីចុះហត្ថលេខាលើរូបគេសម្រាប់ប្រាក់សមរម្យ។

Juventus ត្រូវបានគេរាយការណ៍ថាបានស្នើសុំ €40m ឬ €50m ដើម្បីអនុញ្ញាតឱ្យ Chiesa ចាកចេញនៅរដូវក្តៅនេះហើយតម្លៃខ្ពស់ពេកសម្រាប់ Arsenal ក្នុងការចំណាយលើ Chiesa ។

Chiesa ស៊ុតបាន 10 គ្រាប់ និង assists 3 ដងក្នុងការបង្ហាញខ្លួន 37 លើកសម្រាប់ Juventus កាលពីរដូវកាលមុន ប៉ុន្តែពួកគេចង់ដកគាត់ចេញនៅរដូវក្តៅនេះ។